Kiko ta Sentro Barbulètè?
Sentro Barbulètè ta un espasio fásil aksesibel kaminda partisipante por traha riba stabilidat, resilensia i desaroyo personal den nan propio tèmpo. Rekuperashon ta para sentral i no e diagnóstiko. Nos no ta un instansia di kuido, pero un luga kaminda tur hende ta igual, kaminda kresementu ta sentral I ku ta stimula kada hende pa kue e direkshon ku ta hiba na felisidat. Sentro Barbulètè ta pa tur hende ku ke traha riba nan propio rekuperashon, no solamente pa esnan ku tin problema mental, pero pa tur hende ku a pasa den un periodo difísil.
Ken ta Sentro Barbulètè?
Nos di Sentro Barbulètè ta kere ku tur hende tin balor i meresé pa wòrdu komprondí. P’esei nos no ta mira solamente problema, pero hende tras di e historia. Nos ta primintí pa ta un team di konfiansa, kaminda rèspèt, empatía i dedikashon ta sentral.
Yuda abo no ta solamente nos trabou, e ta nos pashon. E satisfakshon ku nos ta sinti ora nos por hasi diferensia den bida di otro hende, ta motiva nos tur dia pa sigui krese, no solamente profeshonal, pero tambe komo persona.
Sentro Barbulètè ta tur persona ku ke sigui krese i ta e miho vershon di nan mes, Sentro Barbulètè ta abo! Sin abo Sentro Barbulètè no ta lokual ku e ta awe, komunidat ta e parti esensial ku ta forma e sentro aki.
Nos Mishon
Nos mishon ta pa krea un ambiente sostenibel i inklusivo den kual partisipantenan ku por èhèmpel; Mester di apoyo i un komunidat pa por logra nan meta nan personal i guia nan propio proseso pa ta e mihó vershon di nan mes.
Nos Vishon
Nos ke krea e ambiente kaminda tur partisipante por haña nan balansa mental, stabilidat i resiliensia den un espasio liber i sigur. Nos ta hasi esaki dor di traha huntu pa desaroyo i rekuperashon for di nos mes direkshon di kreashon huntu. Pa e motibu aki, ta importante pa e partisipantenan tin konosementu di eksperensia kolektivo.
Nos Balornan
Igualdat: Nos ta trata tur hende ku rèspèt i dignidat, sin importá nan orígen òf eksperensia. Tur hende ta igual balor. Asina nos ta yega na un ambiente liber di estigma.
Siguridat: E ambiente ta un ambiente sigur den kua ta kreá un espasio liber den konfiansa pa kompartí eksperensia i permití kresementu i desaroyo.
Responsabilidad: E individuo ta responsabel pa su propio rekuperashon. Nos ta ofresé un espasio liber i diferente aktividat pa hasi esaki posibel.
Promé i despues: Sentro Barbulètè lo ta dirigí pa nos konsulta i boluntario nan ku tambe por a pasa den situashonnan difisil i ku a rekupera for di esaki. E struktura aki ta duna e dos gruponan e oportunidat pa desaroyá i traha riba diferente tópiko.
Normalisashon: Nos ta aspirá na un sosiedat den kual sufrimentu mental ta wòrdu rekonosí komo un parti normal di bida.
Rekuperashon den stapnan chikitu: Nos ta rekonosé ku no ta tur hende semper ta kapas pa traha riba rekuperashon mesora. Tin biaha e enfoke ta riba stabilidat i siña kon pa manehá bida di tur dia. Hasta stapnan hopi chikitu den desaroyo i kresementu ta balioso, i nos ta sostene hende na nan propio ritmo den e proseso aki.
Nos Meta
Nos meta ta pa sigui un sentro di maneho propio ku por keda manehá kompletamente dor di boluntarionan ku ta konsistí di klientenan (anterior) i ekspertonan di eksperensia. Pa logra e meta aki, lo nombra un eksperto ku a risibí e kualifikashon nesesario pa traha na tempu parsial riba un base di proyekto. Den e fondo, e projectmanager di e proyekto di Herstel en Maatschappij Herstel Academie ta sigurá ku tur kos ta sigui bai na ordu. Nos lo ofresé aktividatnan ku ta sali for di e nesesidat individual.
Esaki ta konsistí di:
Entrada liber: Hende por drenta liber i ta den kontakto ku otro partisipantenan. Rekonosementu i konosementu ta importante.
Peer-support: Aki ta papia riba base di temanan riba loke hende ta topa den bida diario, pero tambe loke ta baiendo bon.
Aktividatnan organisá for di e partisipantenan: Ora un boluntario ke organisá un aktividat, huntu ku e boluntario ta wòrdu analisá si tin sufisiente animo pa esaki entre e partisipante nan. Den e kaso aki, un plan di akshon ta wòrdu prepará i e boluntario ta haña yudansa si ta nesesario pa organisá i ehekutá su aktividatnan. Na Sentro Barbulete nos ke ofresé un oferta mas amplio posibel di entrenamentu di rekuperashon pa por tin un ofresé apropia pa kada partisipate individual.
